Утрово прво слетување по неколкумесечен застој поради Ковид 19, направи авионот на „Туркиш Ерлајнс“, кој од Истанбул во Скопје донесе 104 патници.
„Го пречекавме со авијацискиот поздрав за „добредојде“ – воден мост во форма на виножито“-информираа од скопскиот аеродром.
Веднаш по него (7:56h) слета и авионот на Пегасус Ерлајнс, исто така од Истанбул, кој во Скопје донесе 125 патници. Веќе воспоставени се и линиите со Бремен, Келн, Стокхолм и Ларнака, а во периодот кој следува ќе се враќаат и останатите „стари“ линии кои сообраќаат од и до скопскиот и охридскиот аеродром.
На првиот ден од реотворањето, 1 јули 2020 година, на Меѓународниот Аеродром Скопје се очекуваат 28 лета, со вкупно 1.700 патници.