Претседателот на Демократската унија за интеграција (ДУИ) Али Ахмети денеска се сретна со амбасадорката на САД во земјава Кејт Брнз.
Ахмети и Брнз, како што соопштија од партијата, разговараа за неодамнешната извршна одлука на американскиот претседател Џо Бајден, владеењето на правото, борбата против корупцијата, зелената агенда, евроинтеграциите и спорот со Бугарија.
Ахмети истакна дека ДУИ целосно ги поддржува одлуките на претседателот Бајден, коишто вклучуваат отворена борба против корупцијата, владеењето на правото и кредибилни демократски
институции.
Ахмети го образложи еколошкиот приоритет на ДУИ преку спроведување на зелената агенда во целосна корелација со американските и европските приоритети, истакнувајќи дека зелената агенда и инклузивноста и различноста, се целосно во согласност со убедувањата на ДУИ.
Во врска со спорот со Бугарија, Ахмети ја истакна „потребата од поистакната американска и европска улога меѓу Скопје и Софија“, како и неопходноста од одржувањето на реформскиот курс од страна на владата, стои во соопштението на ДУИ.
Во партиското соопштение се додава дека соговорниците разговарале и за 20-годишнината од Охридскиот рамковен договор како успешно заедничко достигнување