Треба да се покаже дека сме пораснале на Балканот. Иднината на земјите од Западен Балкан минува преку нивната евроинтеграција, изјави бугарскиот премиер Бојко Борисов за време на средбата во Давос со хрватскиот колега Андреј Пленковиќ и косовскиот претседател Хашим Тачи.
Boyko Borissov
European Council Summit Meeting, Brussels, Belgium – 21 Oct 2016
Премиерот Борисов ги истакна вредностите, кои ги обединуваат земјите-членки на ЕУ, но и државите што сакаат да се приклучат кон европското семејство. Во фокус на разговорот меѓу Борисов, Пленковиќ и Тачи беше значењето и улогата на НАТО за безбедноста во регионот.
Бугарскиот премиер ја поздрави одлуката на хрватското претседателство на Советот на ЕУ да продолжи да ја става европската перспектива на Западен Балкан на европската агенда, како и самитот ЕУ-Западен Балкан, кој е планиран да се одржи во мај во Загреб.