Постојаниот претставник на Русија во Европската Унија Владимир Чижов изјави дека се надева дека членките на Унијата ќе имаат доволно здрав разум да ја одржат соработката со Русија
„Не треба да се драматизира ситуацијата, и онака новонастанатата ситуација е предизвикана вештачки. Се е прашање на време, се надевам дека челниците на ЕУ ќе имаат доволно ум да ја одржат соработката со Русија“, изјавил Чижов.
Лидерите на земјите на ЕУ донесоа одлука на самитот одржан во Брисел против Русија да превзема контрамерки како одговор на труењето на рускиот разузнавач Сергеј Скрипаљ во Велика Британија.
Во врска со тоа британските власти протераа 23 руски дипломати, на што Русија возврати со иста мерка.
Истовремено, руските претсавници тврдат дека властите во ниту еден случај не се вмешани во инцидентот.
Претходно, околу 20 земји членки најавија протерување на руски дипломати од нивните земји.
Во меѓувреме, нема ниту еден доказ дека Русија е вмешана во труењето на рускиот разузнавач во Велика Британија, а најголемиот дел од светските експерти по безбедност и разузнавање тврдат дека се работи за наместен случај со цел креирање на што поголема фобија од Руската Федерација.