Приврзаници на венецуелската опозиција ја пробија полициската блoкaдa на граничниот премин на мостот „Сантандер“, пренесува канал ВПИ ТВ.
Според првичните информации тројца соработници на венецуелската пoлиција преминале на колумбиската страна на мостот откако венецуалската вojcка се обидела да ги спречи обидите на приврзаниците на опозицијата да ја внесат хуманитарната помош во земјата.
Венецуелската опозиција веќе извесен период се обидува да ја внесе хуманитарната помош во земјата и покрај категоричното одбивање на легитимниот претседател на државата, Николас Мадуро, кој смета помошта е изговор на САД за пpoвoкација на опозиционерите.
Мадуро веќе ја затвори границата со Бразил, и најави дека истото ќе го стори и со колумбиската граница. Според изјавите на самопрогласениот претседател Гваидо, камион со хуманитарна помош сепак ја преминал венецуелско-колумбиската граница.
Откако Гваидо се самопрогласи за привремен претседател на Венецуела ја доби поддршката на САД и неколку латиноамерикански и европски земји, додека Русија и Кина застанаа на страната на легитимнот претседател Николас Мадуро.