Србија и Кина се договорија од 1 јануари 2017 година да воведат взаемен безвизен режим, а спогодбата за тоа беше потпишана вчера на средбата на владините лидери на земјите од Централна и Источна Европа и Кина во формат 16 плус еден вчера во Рига, соопшти српското Министерство за надворешни работи.
– Спогодбата предвидува лицата кои имаат обични пасоши на Република Србија и на Кинеската народна република да бидат ослободени од задолжително вадење виза за престој до 30 дена. На тој начин Србија ќе стане првата земја во регионот на Централна и Источна Европа, која ќе ги укине визите со Кина, се вели во соопштението.
Српскиот премиер Александар Вучиќ, кој учествува на средбата во Рига, изјави дека од 1 јануари следната година граѓаните на Србија ќе можат да патуваат до Кина без визи и и граѓаните на Кина ќе може да патуваат во Србија без визи.