Али Ахмети не човек кој сака да отстапи од дадениот збор, но беше под притисок од надвор, вели Никола Груевски, објаснувјаќи дека по изборите во 2016.година Ахмети дал две опции – или коалиција со ВМРО-ДПМНЕ или нови избори
„Кога ги започнавме преговорите со ДУИ за нова влада по изборите во 2016.година на првиот состанок тој ми кажа дека има две опции – или да направи коалиција со ВМРО-ДПМНЕ или ако не успее да се оди на нови избори. И тоа го кажа во присуство на најмалку уште тројца други луѓе. И мислам дека тогаш искрено зборуваше, затоа што тој ја донесе тезата во Македонија „победник со победин“. Тоа е човек што обично се држи до дадениот збор, сака да го одржи, не сака да се стави во ситуација да излаже.“ – вели Груевски во интервјуто за „Пинк 1“.
Преговорите највеќе се задржале во врска со законот за јазици, а по многу дебати било донесено заедничко решение да се донесе таков закон, но со многу помалку промени – без двојазичност на парите, униформите, итн. Закон кој би бил Уставен.
„Последниот ден кога тој практично требаше одлуката да ја помине на неговото претседателство и требаше да ги одредат имињата на министрите – ние веќе ресорите ги бевме поделиле, кој ресор ќе предложи министер ДУИ, кој ВМРО-ДПМНЕ – последниот ден практично дојде до пресврт, и од она што се мои сознанија, се работи з притисок од надвор. За жесток притисок од надвор!“.