Властите на Флорида соопштија дека денеска после „стрес тестот“ се разлабавиле сајлите на бетонскиот пешачки мост тежок 950 тони, кој се сруши среде улица, усмртувајќи 6 лица.
Додека државните и федералните истражувачи работат на утврдување на причината на падот на мостот поставен пред само 6 дена, политичарите на Флорида укажуваат на „стрес тестот“ и разлабавување на сајлите како на можни фактори, но началникот на полицијата на Мајами апелира до сите да не извлекуваат заклучоци прерано.
Мостот е изграден минатата сабота за само 6 часа со популарен, но релативно нов метод. Се наведува дека мостот вреди 14,2 милиони долари, а официјално требало да биде отворен следната година.
