Пожарот кој избувна во бразилскиот фудбалски центар „Фламенго“ ги однесе животот 10 млади фудбалери, а уште три лица се здобиле со повреди, објавија локалните медиуми.
Огнот го зафатил новиот дел од просториите на клубот во Рио де Жанеиро, кој бил изграден пред само два месеци.
Во просториите во тој момент спиеле играчи на возраст од 14 до 17 години, пренесува Ројтерс.
„Децата од младинската група спиеја кога избувна пожарот“, изјавил пожарникарот Даглас Хено, пренесува Ројтерс.
Фламенго е еден од најголемите клубови во Бразил во кој играа и легендарните Загал, Зика, Роналдињо, Ромарио, Бебето и Дејан Рамба Петковиќ.
https://www.youtube.com/watch?v=VUNZLObTU7w