Новиот британски министер за здравство, Саџид Џавид, денеска соопшти дека е позитивен на Ковид-19, но има благи симптоми бидејќи примил две дози на вакцина против вирусот.
„Утрово бев позитивен на ковид“, напиша тој на „Твитер“, додавајќи дека направил брз тест и чека потврда од ПЦР-тестот, за кој е потребна обработка во лабораторија, објави „Ројтерс“.
„Го чекам мојот резултат од ПЦР, но за среќа сум вакциниран и имам благи симптоми“, истакна Џавид.
This morning I tested positive for Covid. I’m waiting for my PCR result, but thankfully I have had my jabs and symptoms are mild.
Please make sure you come forward for your vaccine if you haven’t already. pic.twitter.com/NJYMg2VGzT
— Sajid Javid (@sajidjavid) July 17, 2021
Поранешниот британски министер за финансии, Џавид, неодамна беше именуван за министер за здравство, откако таа позиција остана празна по скандалот со претходниот министер, Мет Хенкок.