Граѓаните на Барселона и денес протестираат поради апсењето на раперот Пабло Асел, обвинет за навреда на монархијата и величење на тероризмот. Протестите станаа насилни претходниот ден откако демонстрантите истрелаа ракети и проектили кон полицијата.
Деветмесечната затворска казна за Пабло Асел, познат по своите жестоки рими против естаблишментот, предизвика дебата за слободата на изразување во Шпанија, проследена со протести кои станаа насилни.
Протести во повеќе градови во Шпанија беа започнати пред шест дена, при што имаше судири меѓу демонстрантите и полицијата. Шпанскиот премиер Педро Санчез ги осуди немирите.