Руските власти денеска ја продолжија вонредната состојба во североисточен Сибир за да се забрза набавката на надворешни ресурси за борбата против пожарите што го зафатија големиот регион.
Рускиот министер за вонредни ситуации Евгениј Зиничев прогласи вонредна состојба во Саха-Јакутија, објави АП.
Официјални лица велат дека 117 активни шумски пожари горат на речиси 1,4 милиони хектари во Јакутија. Пожарите се закануваат на десетици села, а жителите на неколку се евакуирани оваа недела.
