Одбојкарската репрезентација на Македонија слави нов пласман на Европските првенства. Второ во две години, благодарение на победата над Турција (3-1 во сетови) во квалификациите во СЦ „Борис Трајковски“.
Нешто што се случи во СРЦ „Кале“ пред една година, се повтори повторно. Со солзи во очите, одбојкарите развија оро во салата во Скопје додека од разгласот грмеше популарната „Бисер Балкански“, неофицијалната химна на оваа репрезентација.
Македонија на првиот настап на ЕП играше во Словенија и не се посрамоти.
