Илјадници Албанци почнаа протест на грчко-албанската граница Какавија, откако од вчера, пред истекот на рокот до 3 часот наутро за воведување на новите грчки мерки со задолжителен карантин тие се обидуваат да се вратат во својата земја.
Демонстрантите бараат од владата итно да стапи во контакт со грчките власти и да им овозможат излез од Грција без тестови за корона и документирање на нивната адреса. Албанскиот премиер Еди Рама се обрати попладнево и изјави дека станувало збор за процедури на ЕУ.
Во меѓувреме амбулантно возило со кое биле превезувани изморените Албанци удри во десетгодишно момче кое било на патот и тоа починало на лице место.
