Изминува третиот ден откако хеликоптер се обиде да се слета во централното градско подрачје во македонскиот бисер Охрид. Како што претходно известивме хеликоптер е дел од обезбедувањето на двајцата премиери, Зоран Заев и Еди Рама и српскиот претседател Алескандар Вучиќ кои присуствуваа на конференција посветена на Западен Балкан во Македонија. Леталото се обиде да слета среде Охрид кај Чинарот и притоа создаде вистински хаос во центарот на градот. Граѓани исплашени за својот живот, материјална штета на околните кафулиња ова беше епилогот на овој немил настан.
При маневрот на леталото кај Чинарот, хеликоптерот оддувал неколку кафулиња, а оставил и вознемирени граѓани кои не можеа да се совземат по неуспешниот обид за слетување на хеликоптерот.
Токму на оваа тема коментираше и поранешниот претседател на Основниот суд во Скопје, Владимир Панчевски на својот Твитер. Тој јавно прашува дали во Македонија воопшто има обвинител, споменувајќи го името на Љубомир Јовевски? Притоа Панчевски додава дека за инцидентот во Охис со хаваратијата пред неколку дена не е отворен предмет во обвинителството исто како и за овој случај во Охрид. За крај прашува дали некој ќе ја надомести штетата и и ќе им надомести за претрпениот страв на граѓаните.
ОБВИНИТЕЛСТВОТО ПОВТОРНО СПИЕ: Јовевски му мириса од опашката на Заев ама си спие зимски сон! Добро ај за Охис не излезе обвинител, а за ова во Охрид имало ли увид и проверки кој ќе им надомести на престрашените граѓани, кој??? pic.twitter.com/9iKCXaFDPn
— Владимир Панчевски / Vladimir Panchevski (@VladimirPanche6) November 10, 2019