Премиерот на Република Македонија, Зоран Заев, пред чие име тој нагласено ја потенцира придавката Северна, е кандидиран за Нобелова награда, како заслуга за тоа што од меморијата на Македонците треба да се избрише тоа што два века се случувало со нив во Грција.
Заев сега е голем пријател со грчкиот премиер Алексис Ципрас, а странците им аплаудираат на тој нивни успех за ненадејно големото грчко – македонско пријателство.
Договорот од Преспа се слави како урнек, како светско откритие, за решавање на сите овоземски спорови. Но, историските факти за тоа што се случувало во Егејска Македонија се неумоливи.
Пред Заев да почне да го „бетонира иднетитетот“ на Македонците, погледнете како два века Грците го мешале „цементот“ во Грција, каде од корен се сменети илјадници топоними и микроними на територијата на Егејска Македонија. Со единствена цел да се „бетонира“ дека се што е со македонски белези е грчко.