Маж се обидел да киднапира девојче среде бел ден на улиците на Бронкс во Њујорк, а овој шокантен настан беше снимен од една од блиските безбедносни камери.
Со тригодишното девојче во моментот на киднапирањето била нејзината баба, која покрај со малото девојче, шетала со уште две внучиња.
Еден маж наметнат со ќебе им пришол и го зграбил детето со двете раце фрлајќи го ќебето врз девојчето.
Бабата се стрчала по човекот, кој почнал да бега со девојчето во рацете. За среќа, случајни минувачи се вмешале и го спасиле девојчето.
Мажот првично побегнал, но полицијата подоцна го нашла како спие пред врата на компанија во близина и го препознала од снимката.
