(Видео) Cocтojбaтa cтaнyвa aлapмaнтнa: Вyлкaнoт нa Kaнарските ocтpoви изби oд yштe eдeн oтвop – вo тeк e мacoвнa eвaкyaциja

Поврзано

- Advertisement -
- Advertisement -

На шпанскиот остров Ла Палма поради активирање на уште еден отвор на вулканот Кумбре Виеја, евакуирани се уште 500 луѓе, со што вкупниот број луѓе принудени да ги напуштат своите домови се зголеми на 6.000.

„Појавата на уште еден отвор од кој излегува лава во зоната Таканде во општината Ел Пасо доведе до евакуација на жителите“, напиша синоќа на Твитер службата за итни случаи на островот.

Ноќеска околу 500 луѓе мораа да ги напуштат своите домови, потврди утрово Лорена Ернандез Лабрадор, службеник од соседното село Лос Љанос де Аридане, кое беше тешко погодено од излевањето на лавата.

Вулканот на шпанскиот остров Ла Палма во Атлантскиот Океан еруптираше во неделата по седум дена зголемена сеизмичка активност.

Тој исфрла столбови од чад високи стотици метри и помеѓу 8.000 и 10.500 тони сулфур диоксид дневно, но сепак воздушниот простор не е затворен.

Компанијата „Аена“, која управува со шпанските аеродроми, вчера објави дека се реализирани сите летови на аеродромот Ла Палма и дека за денеска се планирани уште 48 летови.

Ова е прва ерупција на вулканот Кумбре Виеја на овој остров со 85.000 жители од 1971 година. Иако во ерупцијата нема жртви, таа предизвика голема штета, протокот на лава ја запали вегетацијата, ги покри патиштата и уништи стотици куќи.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This