Министерот Сугарески по второто поништување на јавниот повик за финансиска поддршка на авиопревозниците, очигледно не чекал само на “Air Albania”, пренесува Магазин.
На скопскиот аеродром в четврток (1 ноември) во 18 часот ќе биде одбележано воспоставувањето на директните летови помеѓу Скопје и Атина од страна на грчката авиокомпанија “Aegean Airlines”, најави денеска ТАВ Македонија, концесионер на аеродромите во Скопје и во Охрид.
На настанот се најавени обраќања на министерот за транспорт и врски Горан Сугарески, директорот за земски операции во “Aegean Airlines”, Панос Николаидис, и на генералниот директор на ТАВ Македонија, Алпер Ерсој.
На новата авиолинија, во согласност со зимскиот ред на летање, ќе се реализираат летови двапати неделно, секој четврток и вторник.
Како што објави беше најавено Скопје и Атина ќе ги поврзе авион на „Олимпик ер“, подружница на „Ејџијан ерлајнс“, а летовите ќе бидат со авион „кју400“ со капацитет од 78 патници.
Прашање е дали упорното поништување на јавниот повик за финансиска поддршка на авиопревозниците, од страна на Сугарески, на кој се пријавуваше само ” Wizz Air” не е резервирано за грчката “Aegean Airlines”?