Владата вчера донесе итна одлука дека од денеска се забранува движење во шумските предели низ Републиката.
„Владата на Република Македонија апелира до сите граѓани да не се движат низ шумските подрачја во земјата заради заштита на личната безбедност и заради спречување натамошно ширење на пожарите.
На 3. август стапува на сила целосна забрана за движење во шумските предели низ Републиката.“, велат од Владата.
Оваа одлука се должи поради големиот број на пожари во изминатиот период низ земјава, а особено по вчерашниот во Кочани кој стигнал до куќите на жителите, а неколку лица побарале и лекарска помош поради вдишување на чад.