Владата на седница која е во тек, одлулува за препораките од Комисијата за заразни болести за полициски час во престојниот продолжен викенд поради спречување на ширење на Ковид-19. Во последните денови бројките растат, и токму од тука полицискиот час е пред враќање во нашата земја.
Комисијата за заразни болести до Владата на Република Северна Македонија ќе ги достави следните предлог мерки за претстојниот продолжен викенд:
– Полициски час од четврток (4 јуни) од 21.00 часот до понеделник (8 јуни) до 05.00 часот наутро во Скопје – сите скопски општини, општина Куманово, општина Липково, општина Штип, општина Тетово, како и Боговиње, Брвеница, Теарце, Желино и Јегуновце.
– Во сите останати градови, полицискиот час да трае – од четврток (4 јуни) од 21.00 часот до петок (5 јуни) до 05.00 часот наутро. Останатите денови полицискиот час да започнува од 16.00 часот и да трае до следниот ден до 05.00 часот наутро.
Веднаш по завршувањето, најавена е прес-конференција на министерот за здравство Венко Филипче, на која ќе се информира за најновите мерки за спречување на ширењето на Ковид-19.