За жал Власта сака да прави политички попис. Ние како опозициска партија дадовме шанса за заеднички да седнеме и да донесеме заедничко прифатливо решение. Ниту тоа беше прифатено, а не беше прифатен ниту еден амандман во Собранието, изјави потпретседателот на ВМРО ДПМНЕ Александар Николоски во вестите на ТВ Сител
Очекуваме претседателот Стево Пендаровски, да не го потпише Указот, а доколку тоа го стори, веднаш штом ќе биде излезен законот во Службен весник, ВМРО ДПМНЕ ќе поднесе иницијата за собирање на потписи за поништување на Законот за попис, изјави Николоски.
Мислам дека е возможно да се собери мнозинството, работиме со пратеници од владејачкото мнозинство, сега треба да се оди на соборување на оваа влада, им виси мнозинството, два месеци имаме поднесено интерпелација за министерот Димитров и два месеци истата не се става на дневен ред, изјави Николоски.