Италија одржува генерални избори викендот што следува. Клучни точки на кампањата се економијата и работните места, но сепак нај вжештената дебата е на темата за мигрантите.
Поради близината со брегот на Северна Африка е прва на ударот и токму Италија има примено најголем број на мигранти од почетокот на кризата. Хуманитарната криза со мигрантите според европските медиуми е користена особено од партиите десно од центарот за префрлање на вината за економските проблеми во државата и зголемената стапка на криминал на мигрантите.
Лидерот на националистичката партија Италијански браќа, посочува дека миграцијата се одвива во два правци и на Италија и се случува таканаречен ,,brain drain’’ или одлив на мозоци на факултетски образован кадар и доселување на илегални мигранти. Европските медиуми ја пренесуваат и другата страна од приказната на цивилните активисти кој се обидуваат да им помогнат на мигрантите да најдат свој дом во Италија. Тие посочуваат на опасностите кои произлегуваат од ризичното патување кое го превземаат мигрантите.