„Да престанете со пропагандата дека постои национален консензус дека преговорите се водат само за името на државата“, рече актерката Арна Шијак на денешниот протест за името во Скопје. „Овде станува збор за македонскиот идентитет. Нашиот овде и оној на Макеоднците, не само што се малцинство во Р. Грција, туку и во другите соседни земји“, додаде Шијак. „Бараме да ги прекинете преговорите со Метрју Нимиц и да се обратите до Генералното собраниет на ООН, како единствена меѓународна инстанца, во која Р. Македонија не е Давид наспроти моќниот Голијат“, рече актерката Шијак.
Таа побара да се стави крај на употребата на референцијата ПЈРМ и да се донесе резолуција на ООН со која на Р. Македонија би ѝ се гарантирал непречен прием во меѓународни организации под уставното име.
