Утре во Собранието продолжува расправата за уставните измени, при што се очекува пратениците најпосле да пристапат кон гласање, нешто за што на владиното мнозинство му е потребно двотретинско мнозинство.
Се поизвесно е дека власта го нема потребното мнозинство и дека уставните измени нема да го поминат собранискиот филтер.
Пратениците од ВМРО-ДПМНЕ и коалицијата јасно го кажаа својот став дека нема да ги поддржат измените на Уставот, а вчера преку заедничка прес-конференција одново го повторија својот став.
Она што беше интересно деновиве е прашањето како ќе се изјаснат помалите коалициони партнери, особено ДОМ на Лилјана Поповска и ЛДП на Горан Милевски.
Претседателката на ДОМ не беше присутна на комисиската расправа за уставните измени, а тоа предизвика полемики кај јавноста дали власта ја изгуби поддршата од пратеничката на зелените.
Дали и останатите помали коалициони партнери на владеачката партија ќе ја следат одлуката на граѓаните од неуспешниот референдумот, останува да видиме.