Мрежата на американскиот финансиер Џорџ Сорс применува „мафијашки методи“, рече државниот секретар во Унгарското министерство за правда Пал Волнер
„Можеме да ги видиме трагите на тајност, експанзионистичко законодавство во Европската унија, со цел да се намали моќта на земјите членки“, рекол Волнер, пренесува агенцијата МТИ.
Соросовите платеници, наведува Волнер, често се чувствуваат дека се над законот и настојуваат да го обликуваат унгарскиот правен систем, онаков каков што би им се допаднал на нивниот покровител.
Сорос, вели Волнер, има сојузници во Унгарија и во Европскиот парламент и „неговата мрежа редовно се обидува да изврши притисок на правосудството“.
Меѓутоа, тој порачува дека Владиниот закон „Стоп Сорос“ има за цел да го спречи ваквото делување.
Законот, имено, ги обврзува организациите кои промовираат илегална миграција да ги регистрираат своите активности и да платат даноци на донациите кои се примени од странство.
Според Волнер, законот „Стоп Сорос“ е во склад со меѓународните норми и во исто време воспоставува адекватни санкции кон организациите кои не работат во склад со законот.