Голем број на граѓани од другите градови кои сакаат утре да дојдат во Скопје за да го изразат револтот за сите неправди нанесени од оваа Влада, ќе бидат спречени бидејќи останаа без превоз.
Иако сограѓаните се сплотија заедно да пристигнат во Скопје со автобуси, поради закани од власта, превозниците се откажуваат од овој ангажман.
Врз автобуските превозници секојдневно биле вршени притисоци и закани изминативе денови откако се најави дека утре во Скопје ќе има голем протест за поддршка на неправедно притворените и против другите неправди.
Функционери и членови на СДСМ ги контактирале превозниците неколку пати и им испратиле пораки дека ако се осудат утре да носат симпатизери на ВМРО-ДПМНЕ кон Скопје, ќе се соочат со казни.
Вработените реагирале, но залудно. Поради големи притисоци, закани и уцени од страна на СДСМ, дел од нив сакајќи да го задржат бизнисот и да можат слободно да работат и во иднина, сепак одлучија утре да не возат кон Скопје.
Протестот е најавен за утре од 16:30 часот.