Сопствениците на еден ресторан во Милано им нудат на своите муштерии необичен начин на плаќање. Освен со пари и картичка, кај нив гостите можат да платат оброк и со бројот на следбеници на Инстаграм.
Матео и Томасо Питарело, сопственици на ресторанот “Ова не е суши бар” во Милано, на овој начин одлучиле да привлечат што повеќе муштерии.
Идејата е едноставна – што повеќе следбеници имате, толку повеќе можете да изедете, а да не потрошите пари.
Ако имаат помеѓу 1.000 и 5.000 следбеници можат да добијат бесплатно суши. Оние со 5.000 до 10.000 ќе добијат дури и бесплатна порција оброк, додека оние кои имаат повеќе од 100 илјади – комплетен оброк.
Единственото нешто кое треба да го направите е да објавите фотографија на вашиот Инстаграм профил со хаштаг со називот на ресторанот.