Премиерот, Зоран Заев денеска оствари средба со претседателот на партијата „Беса“ Билал Касами.
Разговарале во пријателска атмосфера. Ќе има средба на работна група до вторник за дефинирање на конечните позиции. Заев сака да обезбеди гласови за двотретинско мнозинство за уставните промени. Предлозите на Касами детално ќе се разгледаат.
На средбата е договорено да се одржи уште еден состанок најдоцна до вторник, на работна група составена од претставник од Кабинетот на Претседателот на Владата на Република Македонија, како овластен предлагач на уставните амандмани и на уставниот закон, и претставници од раководството и пратениците од “Беса” на господинот Касами, за да се разгледаат детално предлозите и да се дефинираат конечните позиции.
Деталите од тој состанок ќе и бидат соопштени на јавноста по одржувањето на средбата, велат од Владата.