Општина Гази Баба го објави огласот за давање под долготраен закуп на 99 години на градежно земјиште сопственост на Република Македонија што се наоѓа во склоп на скопската железарница, Инфомакс се обиде да дојде до подетални информаии за инициативата и намерата да се доделат над 70.000 метри квадратни земјиште на економски оператор или компанија која ќе обавува дејност тешка загадувачка индустрија.
Станува збор за огласена парцела со површина од 66.996 метри квадратни и со предвидена површина за градење од 46.897 метри квадратни. На парцелата 1.6 ќе се гради објект од тешката и загадувачка индустрија со максимална развиена површина од 70.346 метри квадратни, којшто ќе има компатибилни класи на намена Д1, Д2, Б4, В2, Г2, Г3 и Г4 до 49% од вкупната површина на идниот објект.
Во објавениот оглас се наведува почетната цена од 204.337 денари за годишна закупнина на земјиштето. Ако оваа сума се подели на 12 месеци се добива износ од 18.695 денари, сума која компанијата ќе плаќа месечно за користење на 70.000 метри квадратни земјиште за тешка загадувачка индустрија.
Симптоматично е иницијативата на градоначалникот и општина Гази Баба токму сега да се даде ова земјиште на оглас ако се земе во предвид дека само пред месец дена во Кавадарци имаше иницијатива за изградба на цинкара за која кавадарчани експресно одговорија со петиција на која за само неколку денови успеаа да соберат преку 14.000 потписи против изградба на тешка загадувачка индустрија во регионаѕ. За овој проект тиквешијата збори дека е во заговор на градоначалникот Јанчев и сопственикот на ИГМ, Гечев.
Откако кавадарчани им дадоа црвен картон на оваа намера повеќе од очигледно е дека ќе се бара нова локација за цинкарата.
Дали токму скопска железара е местото каде што се планира да се реализира изградбата останува да видиме.
Од општина Гази Баба не информираа дека немаат информации кој економски оператори или компании ќе учествуваат и ќе се одзват на огласот, но едно е сигурно, Скопје ќе добие нов „трујач“ по поволна цена