Во Македонија се обезбедени 61 единица конвалесцентна плазма за третман на пациенти со корона вирус.
Крвна плазма може да донира секое лице кое има оздравено од Ковид-19.
Ајде да бидеме хумани и да им помогнеме на пациентите кои сѐ уште се борат со овој непредвидлив вирус. Да ја покажеме нашата грижа, да даруваме и да спасиме човечки живот. Апелирам на солидарност, затоа што нема ништо поважно од нашето здравје и здравјето на нашите најблиски! – порача Министерот за здравство, Венко Филипче на својот Фејсбук профил.
Тој објави и ЛИНК за тоа кој и како може да дарува конвалесцентна плазма.