Лекот „Ивермектин“ кој се употребува во лекување на вирусот Ковид 19 од денеска е достапен за граѓаните во аптеките, информира Министерството за здравство. Овој лек може да се зема само со лекарски рецепт од матичен лекар или лекар специјалист.
Докторот Ненад Лазаров ја негираше оваа информација и кажа дека лекот никаде го нема.
„Еве лажна вест! Лекот ГО НЕМА во аптеки, а ниту еден матичен лекар не е информиран ниту се дадени никакви препораки.
Касниме месеци, а тоа ефектуира изгубени животи. Скандалозно е екскомуницирањето на цело примарно здравство, 80% од COVID19 тука се менаџира. Срамно е лажењето а штетен е ефтиниот PR“, стои во неговиот пост.