Претседателот на Турција Реџеп Таип Ердоган изјавил дека се чувстввуа добро откако кратко му се слошило на утринската молитва во џамијата „Мимар Симан“ во Истанбул. На претседателот му била укажана помош откако „кратко му се слошило“, а некои медиуми во Турција тврдат дека и изгубил свест, иако тоа се уште не е потврдено. Ердоган изјавил дека имал проблем со притисокот поради нерамнотежа на шеќерот во крвта поради рамазанскиот пост.
– Му благодарам на бога, брзо се средив и се чувствувам добро и ќе продолжам со програмата, рекол Ердоган.
Попладнево ќе присуствува на церемонијата што ја органзира неговата партија по повод завршувањето на светиот месец Рамазан.