Владата се тресе поради низата на скандали во изминатиов период кои произлегуваат од случаи на конфликт на интереси сомнителни тендер и државни грантови. Случајот со ЕУ амбасадорот Жбогар кој е сместен во куќата на советникот за економија и екс-вицепремиер за европски прашања е само последен во низата скандали поради конфликт на интереси.
Имено Брисел го разгледува прашањето на потенцијален конфликт на интереси од кој дел е Делегацијата на Европска Унија во Македонија, со случајот на резиденцијата на ЕУ која се наоѓа во куќата на Фатмир Бесими кој е висок владин функционер. Скандалот го откри телевизија Алфа која меѓу другото испрати прашања до повеќе меил адреси до Брисел, но и до Делегацијата на ЕУ во Македонија.
„Ви благодариме на вашите прашања, ќе биде проверено и ќе бидете дополнително известени. Се најдобро“, пишува во одговорот на А. Смерили, прес- директор за Европска соседска политика и преговори за проширување – Европската Комисија, објави Алфа.
Да се потсетиме дека минатата година, словенечките медиуми пишуваа за афера за перење пари во која е вмешан евро амбасадорот со потекло од Словенија, Самуел Жбогар. Скандалот во Словенија е еден од најголемите корупциски скандали во Словенечката историја, тежок неверојатни милијарда евра Ирански пари кои според наводите се переле преку банка во државна сопственост. Во тие моменти Жбогар е министер за надворешни работи на Словенија, а во истрагата се спомена и актуелниот амбасадор на ЕУ во Македонија.