Заврши денешната седница на Управниот суд. Советот составен од 5 члена разгледа два од приговорите на СДСМ.
Советот на судии е составен од Весна Јовановска, претседател и членовите Бурим Сејдини, Анета Џигерова, Ѓоко Живковски и Драгослав Радичевски.
Пред Управниот суд приговори по одлуките на Државната изборна комисија поднесоа СДСМ- 4 приговори и ВМРО-ДПМНЕ- 1 приговор.
Утре ќе бидат разгледани и преостанатите два приговора на СДСМ, како и едниот на ВМРО-ДПМНЕ.
Управниот суд има рок од 48 часа да постапува по овие тужби и рок од 24 часа одлуките да ги објави на веб-страницата на Судот, која е конечна.