Премиерот и лидер на СДСМ Зоран Заев во интервју за Дојче Веле најави дека утре ќе оддржи средба со предизборните коалициски партнери, додека во понеделник ќе има средба со ДУИ во насока на утврдување на заеднички кандидат за претседател, по што ќе следуваат средби и со другите албански партии во власта и опозицијата.
-Верувам дека ќе го изнајдеме заедничкото решение или неколкуте заеднички решенија заради тоа што сакаме сите да дадеме придонес. Потоа, имаме средби со уште една албанска партија па уште со две албански партии од опозицијата. Верувам дека ќе се собереме многу политички партии заедно за да застанеме зад вистинско име, кое ќе има поголеми шанси да победи, но и да добиеме подобар претседател – рече тој.