Во обид што побрзо да се издаде соопштението од прес конфернцијата на Зоран Заев, центарот за комуникации на СДСМ денес направи кардинална грешка, која подоцна неумешно се обидоа да ја исправат
Попладнево до медиумите беше испратено соопштение од прес конфернцијата на Зоран Заев, во кое таксативно беа наброени точките кои СДСМ ги има прифатено од т.н. „Тиранска платформа“ меѓу кои и точката дека е „Точно е дека ќе има дебата за многу прашања, но исто така е точно дека СДСМ е за промена на симболите на државата“.
Неколку минути подоцна, откако од прес службата на СДСМ ја увиделе грешката во првичното соопштение, испратија ново поправено во кое оваа точка од соопштението беше избришана.
Веќе нема дилеми, по ваквите изјави дека Заев ги игнорира илјадниците граѓани кои секојдневно маршираат по улиците ширум Македонија барајќи отфрлување на Тиранската платформа и зачувување на унитарноста на државата. Со ова однесување Заев јасно говори дека гласот и повикот на граѓаните од „За заедничка Македонија“ кои се противат на постизборно подметнување на платформа од туѓа државата за него не е важен.
Дополнително на лидерот на СДСМ не му е прв пат да се додворува кај Албанците, да ја фали и да изјавува дека на Тиранската платформа имаат позитивен аспект.
-Ние не бегаме од платформата, неколку пати потенцираме имаме позитивен аспект на платформата, вели Заев.
