Идејата за Македонија обедини повеќе невладини организации, граѓански иницијативи од земјата и дијаспората меѓу кои и некои помали политики партии со цел за спас на уставното име, идентитетот, јазикот и македонското малцинство во соседството. Триесет организации ќе потпишат Меморандум за стратешка соработка со крајна цел бојкот на престојниот референдум за промена на името на Македонија. Меморандумот ќе биде потпишан во текот на утрешниот ден.
Според иницијаторите на Меморандумот ќе се формира Кризен штаб кој ќе води пропаганда во јавноста за бојкот на референдумот кој ќе се одржи на 30-ти септември.
