Неонационалистичката партија „Златна Зора“ најави протест за време на собир на Македонците во Грција кој е во организација на Македонскиот Клуб а е од културно-уметнички карактер.
Под името „Протест против антигрчката пропаганда“ неонацистичката „Злата зора“ в сабота во Лерин ќе организира голем протест за време на собир на Македонците од Грција, организиран од Македонскиот клуб. На собирот е предвидена и музичка содржина со македонски песни.
Златна зора смета дека намеата на културно-музичкиот настан е да се докаже постоење на македонски јазик, иденититет и малцинство.
„Затоа Златна зора ги повикува сите грчки патриоти в сабота во 18 часот пред хотелот „Панорама“ во Флорина на протест против антигрчките позиции на скопјаните и нивните агенти. Узурпаторите на нашата историја нема да останат без одговор“, стои во повикот на Златна зора.