Скопскиот ексклузивен бар Интермецо во населбата Капиштец има кривична пријава за загрозување на јавното здравје, потврди за Фактор, директорот на Паразниот инспекторат, Стојко Пауновски, кој истовремено нагласи дека ова е втора кривична пријава за Интермецо.
-Пред две-три недели е првата, од завчера има уште една. Преполно било, забава со огромен број луѓе, а од протоколите нула. Ништо не е испочитувано. Навистина сите како Интермецо, Мош, Аватар од Струмица, сите такви ексклузивни кои се прават, се само се голем и невиден срам за државата, луто вели директорот Пауновски за Фактор.
Истовремено потенцира дека искрено жали што инспекцијата не е во можност веднаш да ги запечати на еден месец.
-По кривилните пријави, обвинителството ги доставува до судот, но досега се нема случено некој да биде сериозно казнет. Има пресуди, условно казнети. По членовите 205 и 206, зошто не е изречена затворска казна, особено кога за некои од кафулињата, локалите, баровите имаат и по повеќе кривични пријави. И тие судии треба да се стават на сидот на срамот, потенцира Пауновски.
Бројките на новозаразени се во подем, вчера во Македонија беше регистриран рекорден број од 243 позитивни на Ковид-19. Здравствените власти од утре најавуваат рестриктивни мерки, но се уште не се знае што конкретно ќе применат.