Пред Домот на културата во Кичево вечерва продолжи грѓанскиот протест на иницијативата „За заедничка Македонија”.
На присутните им се обрати Даме Силјаноски кој во име на иницијативата рече дека и оваа недела маршот продолжува.
– Ви благодарам што неуморно стоите на браникот на татковината, во одбраната на нејзината унитарност и самостојност. За нас е неприфатливо да се промовира и прифати платформа во која се бара воведување двојазичност и почнување разговори за промена на државното уредување, истакна Силјаноски.
Ќе останеме на улица, додаде, колку што е потребно, и не застануваме.
Протестот заврши по маршот низ улиците на градот.