Кака: Модриќ е неверојатен играч, танцува по теренот

Бразилскиот фудбалер Кака, е последниот играч кој пред Роналдо и Меси ја има освоено „Златната топка“. Тој е импресиониран од игрите на капитенот на Хрватска, Лука Модриќ:

– Лука ни покажа колку е лесно да се игра фудбал. Верувај те ми тоа е тешко, а да се игра на Светско првенство е уште потешко. Тој игра нормално, за него тоа е танц. Тој има неверојатни бројки, освоени четири Лиги на шампиони, финале на СП, а притоа и капитене на репрезентацијата. Ја заслужува наградата и пред се дека е скромен, изјави Кака.

Модриќ на Мундијалот има претрчано најмногу од сите играчи од средината на теренот 63 километри и стана првиот хрватски репрезентативец со повеќе од 100 додавања на еден натпревар (против Русија имаше 102 од кои 89 успешни).