Канадскиот премиер Џастин Трудо бил дел од судир на неколку возила, меѓу кои и неговата службена придружба и обезбедувањето и еден полициски мотор. Повредено е едно лице.
Повредениот, полицаец, бил пренесен во болница. Од судирот, полицискиот мотор прелетал преку четири коловозни ленти на автопатот.
Според „Ивнинг Стандард“, полицаецот е полесно повреден и не е во животна опасност.
Сообраќајката се случила во сојузната држава Калифорнија, каде канадскиот премиер е во дводневна посета. Пред сообраќајката одржал говор во претседателската библиотека „Роналд Реган“.