September 26, 2022, 9:19 pm

Лавров му порача на Борел: Не мешајте се во внатрешните работи на Западен Балкан

Поврзано

- Advertisement -
- Advertisement -

Рускиот министер за надворешни работи Сергеј Лавров ја повика ЕУ да ја зајакне соработката, но и да го почитува принципот на немешање во внатрешните работи на суверените држави на Западен Балкан.

„Би било добро да се договорат за принципите што ќе вклучуваат обврска да не се мешаат во внатрешните работи на суверените држави, како на Западен Балкан, така и кога станува збор за поранешните советски републики“, рече Лавров.

По првиот дел од разговорот со шефот на дипломатијата на ЕУ, Џозеф Борел во Москва, Сергеј Лавров оцени дека „постојат разлики“ меѓу Русија и ЕУ, но и дека тие се „партнери кои имаат заедничка одговорност за заедничката евроазиска континент “.

„Се надеваме дека ЕУ, во контекст на дискусијата за стратешките односи со Русија, ќе донесе одлука за професионална, конструктивна и прагматична соработка“, рече Лавров, пренесува Танјуг.

Шефот на руската дипломатија ја истакна важноста на соработката меѓу Руската Федерација и ЕУ во областа на економијата и трговијата и изрази надеж дека соработката во областа на енергетиката ќе се развива „од заеднички интерес“.

Лавров со жалење изјави дека за време на пандемијата, кога беа потребни единство и солидарност, „некои во ЕУ ја искористија пандемијата и ја обвинија Русија за дезинформации“.

„Верувам дека преку своите активности Русија покажа дека е подготвена да им помогне на сите заинтересирани страни, вклучително и на европските партнери, во борбата против опасниот вирус“, рече Лавров.

Тој повика на ставање крај на таканаречената „војна за дезинформации“ и формирање на нови канали на комуникација засновани врз факти и професионализам.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This