Лицемерието на функционерите кои ги назначи Зоран Заев како директна последица на своите партиски заслуги и учества во платеничката Шарена Револуција, не престанува да вчудоневидува.
Во негов настап на панел дискусијата на тема: „Предизвиците на Република Македонија, пред самитот на НАТО во 2018 г.“, организирана од Институтот за јавни политики од Скопје, Славески изјавува дека еден од главните предизвици на институциите на Република Македонија е преголемата партизираност. И ова звучи многу убаво и демократски, но сепак му недостасува малку вистина.
Истиот тој Славески, кој инаку е Претседател на Советот за безбедност и одбрана на ЛДП, на неговиот фејсбук профил јавно истакнувал ставови и слики со поддршка за шарената револуција и митинзите на СДСМ и коалицијата. Истиот тој Славески, можеме да го видиме и по постови на фејсбук страната на Либерално Демократската Партија, кадешто сите негови настапи во својство на владин функционер, односно Директор на ДБКИ, се следат и гордо се истакнуваат, како што може да се види од приложените фотографии. 
Неумесно е од страна на функционерите на Заев и Милевски да пробуваат да ја лажат јавноста со декларативни изјави за демократија и професионализам, а во пракса тие да бидат токму најголемите партиски војници, кои добиле функција незаслужено и на токму спротивен начин, преку партиски ангажмани.
