Околу половина од возрасните заразени со епидемија на варијантата Делта на Ковид-19 во Израел биле целосно вакцинирани со вакцината на Фајзер АД, што ја натера владата повторно да побара носење на маска во затворени простории и други мерки.
Прелиминарните откритија на израелските здравствени власти сугерираат дека околу 90% од новите инфекции биле веројатно предизвикани од варијантата Делта. Ран Балицер, кој предводи стручна советодавна комисија за Ковид-19 во израелската Влада, вели дека на децата под 16 години, од кои повеќето не биле вакцинирани, отпаѓаат околу половина од заразените.
Владата оваа недела ја прошири својата кампања за вакцинација, вклучувајќи ги и сите деца од 12 до 15 години, по скокот на инфекции кај ученици во град во централен Израел. Оттогаш тој брзо се шири географски и на другите групи на население.
Израел е една од највакцинираните земји во светот со над 57 проценти од граѓаните вакцинирани.