Македонскиот министер за надворешни работи Никола Димитров на својот твитер објави дека властите во Скопје го признаа Хуан Гваидо, водачот на венецуелската опозиција и претседател на народното собрание, за привремен претседател на Венецуела.
„Република Македонија, како и нејзините европски партнери, го поддржува Хуан Гваидо за привремен претседател на Венецуела, избран во согласност со уставот.“, напиша тој на социјалните мрежи.
Хрватското Министерство за надворешни и европски работи синоќа објави дека и Хрватска го признава водачот на венецуелската опозиција за привремен претседател на земјата.
Во соопштението објавено на официјалната страна на хрватското министерство „се осудува кршењето на човековите права и насилството во Венецуела и потребно е да се најде начин мирно да се одржат слободни и демократски избори.“
„Хрватска ги поддржува демократски избраните легитимни тела на Венецуела, Националното собрание и нејзиниот претседател,како и уставно избраниот привремен претседател. Затоа Хрватска се придружува кон одлуката на другите еврипски земји.“
Понатаму во соопштението се наведени и останатите европски земји кои го признаа Гваидо за привремен претседател, Шпанија, Португалија, Германија, Данска, Холандија, Обединетото Кралство, Франција, Австрија, Унгарија, Финска, Белгија, Луксембург, Чешка, Летонија, Литванија, Естонија, Полска и Шведска, известува Танјуг.