Судијата Владимир Панчевски кој беше гонет од актуелните македонски власти на Фејсбук објави порака со благодарност за честитките за неговиот роденден.
За овој роденден купив остров, мал е и често се губи под морските бранови но, повторно се појавува, го удираат бури и од исток и од запад но и од север и од југ, нај тажно е кога врне внатре во него од оние околу нас и кога самиот од себе прокиснува и се потонува, но овој остров е силен, издржал со векови, се спротивставувал на секој предизвик и секогаш испливувал на површината!
Тој остров сте сите вие кои денес одвоивте по некоја минутка од вашето време да ми пишете и честитате, тој остров ни ги грее душите, тој остров постоел, постои и ќе постои, а се нарекува МАКЕДОНИЈА!
Да сте живи и здрави, Ви посакувам среќен Велигден Христовото воскресение да ни ги осветли душите!, пишува судијата Панчевски во својот ироничен пост на фејсбук.