Лидерот ВМРО-ДПМНЕ, Христијан Мицкоски предложува Владата да организира бесплатно тестирање еднаш во месецот за сите здравствени работници кои имаат потреба и кај кои постои најголем ризик да заболат.
-Поради специфичноста на нивната професија, тие се принудени по неколку пати во месецот да плаќаат за тестирање, бидејќи термини за тест преку матичен доктор нема, не дозволува системот или првиот слободен термин е многу доцна. Да ги заштитиме здравствените работници, нивните семејства, а со тоа да ги заштитиме и пациентите кои имаат потреба од здравствена услуга- стои во објавата на Мицкоски на Фејсбук.
Два дена последователно Мицкоски бара да се ослободат од работа хронично болните лица, како и бремените жени, кои се во голем ризик поради пандемијата со ковид-19.
