September 26, 2022, 7:09 pm

Мoдyлapнa бoлницa зa 6oлни oд Koвид-19 ќe ce гpaди нa мecтoтo нa пopaнeшнa диjaлизa

Поврзано

- Advertisement -
- Advertisement -

Здравствените власти решија на местото на објектот во кој функционираше одделението за дијализа во Гостивар да се постави модуларна болница за лекување на пациенти со ковид-19. Вчера започна рушењето на приземната зграда и уредувањето на теренот за неопходната инфраструктура.

Од управата на општата болница „Ферид Мурад“ информираа дека започнати се подготовките за поставување на нов ковид центар.

– Почна уривањето на зградата на поранешното одделение за дијализа, каде што по уривањето ќе бидат поставени нови простории за пациентите кои ќе се лекуваат од вирусот Ковид 19, наведуваат од управата.

Изминативе денови, локалната самоуправа и претставници на Министерството за здравство бараа соодветна локација. Како најпогодна, определен е просторот во кругот на општата болница што е во непосредна близина до објектот во кој е сместено инфективното одделение. Новиот модуларен објект треба да има со соби за триесетина болнички кревети, помошни простории за персонал, соба за изолација и рендгенско снимање. Во најавите од министерството за здрвство, во Гостивар и уште 16 градови треба да се постават монтажни модуларни болници во кои ќе се згрижуваат и лекуваат лица заболени од Ковид-19.

Според информациите на Влада на Република Северна Македонија до вчера, 71 се лекува во гостиварскиот ковид центар.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This